انا بعرف اثنين من الشباب يدرسو دكتواراة بهذه الطريقة بس الفرق انو هؤلاء جاءهم قبول دكتوراة من اول مرة يعني مابداو ماستر وبعداك صعدو , يعني عندهم بكلاريوس وطوالي قدمو للدكتواراة ومبتعثين من جامعات كمان فالمسالة ما اظن صعبة زي ما تتخيليها انتي... وعلي كل يمكن ان تستفسر اكثر خاصة من جامعتك وايضا من الاخوة طارق وكوستاوي... واعملي استخارة وربنا يسهل
أولاً ربنا يوفقك يا رشا والله بدعي ليك من كل قلبي
تانياً: ما تعرفي المعلومه دي بالنسبه لي مهمه كيف
أنا ما كنت بعرف أصلاً إنه ممكن بعد البكالوريوس
نقدم دكتوراه مباشرة ، كنت مستصعبه الماجستير
وبعدين الدكتوراه والسنوات الطويله حتى إني كنت
مفكره امتحن شهاده من جديد وأبدأ تخصص تاني
خمس سنين لخمس سنين ما فرقت!
لكن المعلومه دي فرحتني شديد وبقيت أفتش في
النت عن معلومات عن الجامعات البتقدم قبول
بالنظام دا ولقيتها الجامعات الماليزية والبرطانيه
يعني ماليزيا دي ورانا ورانا
ربنا يوفقك يا رشا، لو يحق لي أديك رايي
أقول ليك طوالي ما تترددي دي فرصه ممتازه
بالتوفيق يارب
والله يا رشا ربنا يوفقك انشاء الله بس زى ما ذكرو ليك الشباب عابر سبيل والاخت تقى والاخت احلام انا نفس الكلام الحاقولو هما قالو ليك وانتى يازوله استخيرى الله وشوفى وتوكلى انشاء الله التوفيق
وزى ماقال المثل عصفور فى اليد ولا عشره فى الجو يلا اتوكلى وبعدين مدام الموضوع دا من بريطانيا وماليزيا اصلا هما ديل دولتين ومعترف بيهم كمان فى اغلب الدول وفى السودان خاصه
سلام
الإهداءات
نبض القلوووووووووووووووب
العرض العادي
