[سيد السماحة]

يا ربي ميتين نشوف الخرتوم
قالوا لي في الخر(ت)وم
البت بدورو حديثها
ودخلوها الجامعه
و وظفوها رئيسه
يا ربي ميتين نشوف الخرتوم
قالوا لي في الخر(ت)وم
البت بسوقها عريسها
احيا الدبلة تمشي تقيسها
والله انا بقيت منسية

***
لالالالا ياقرويه
انت يا قرويه بالكرم معروفه
تهب نسايم الليل
تقوم تعشى ضيوفها
وانت ياقرويه بالقري موصوفه

***
يا ربي ميتين نشوف الخرتوم
قالوا لي في الخر(ت)وم
البدره والمنكير
وياحلات البت
يوم تمشى للكوفير
احى متين اشوف الكوفير

***
لالالالا ياقرويه
انت يا قروية بالفهم معروفه
إنت ما منسية
والله انت غنية
بزراعتك المطرية و
بهايمك المسقية
لا لا ..لا ياقروية وما تغرك المدنية

***

ياربى بتين اشوف الخرتوم
قالو لى فى الخرتوم
جنينة البلدية
وقالو فى الخرطوم
البت بتسوق العربية
وتضر ب التلفون
احيا ميتين اشوف الخرتوم
قالو لى فى الخرتوم
البت بتلبس ماكسى
أحيا كمان بتركب تاكسى ..

ياربى بتين اشوف الخرتوم
ياربى بتين اشوف الخرتوم
ياربى بتين اشوف الخرتوم


قروية / كلمات المسرحي عمر الشيخ الضو